好用相機帶 BlackRapid RS-7

日前係網上見到有網頁報導一款相機帶，主要功能是當你不用舉機時可以把相機扣到一個位置，不會走來走去。到要用的時候，鬆開扣子，相機就可以自由活動。
有多個型號，還有特別為女攝影師而設的款式！
今次我買的是 RS-7，比較新的型號，輕同簡單！
包裝係一個網袋，簡單又好睇

主角 BlackRapid RS-7

主網站︰http://www.blackrapid.com/product/camera-strap/rs-7/
- Posted using BlogPress from my iPhone

Easytag GPS Easytagger

小弟愛拍攝，有時影完相，時間耐了就忘記拍攝時地點。所以就尋找資料，希望可以把拍照時的坐標資料紀錄下來。

年前買了一隻 Holux M-241 GPS Logger，已經能夠滿足小弟的心願。不過由於它祗是一個 GPS Logger ，所以要做多一點功夫才能把坐標資料加到相片中。可惜，最後都壞了，紀錄不到資料。

再在網上搜尋了好一陣子，發現巿面上已經有好幾種可以與相機連接的 GPS logger 了。最後選擇了 EasyTag 這個內地生產的牌子。Easytagger 不單是一個 tagger 仲係一個 GPS logger。

包裝：





配件：



D200/D300/D700/D3等連接線
D90 連接線
USB 充電線
讀咭器
2.5mm 插頭快門線

內容都算豐富！



與相機合體後：





由於佔用了30 pin 接位，所以特別提供了一個 2.5mm 快門線。



搵日有時間出去試下再出 blog 報告。

- Posted using BlogPress from my iPhone

07 澳門煙花團

每年9-10月，都係澳門國際煙花比賽匯演。今年已經係第十九屆，亦都係第四年去影煙花。

今年約埋幾個朋友，一齊遠征澳門。哈哈~

第一日（29號）到達後先食lunch，之後去大三巴行下玩具店，等另一個朋友到達一齊去食dinner。

去左間叫坤記的葡國菜館。正！豬柳、雞、咖喱。

晚飯後就搵車坐去海洋花園，因為太早到，去左間OK便利店，入面竟然有個休憩區。於是我地就坐晒係入面等時間過。其間又撞到另一個朋友。哈~ 真係有緣。等到差唔多時間就去海邊搵位。

第一場係美國，一般。用作試setting。哈~~ 影得30張，最後得8張見得人。

第二場係日本，正。哈~ 有一幕係一粒一粒咁放，真係好似專為你地影相而設咁。影左60張，最後得17張見得人。

影完煙花，例牌又係要四圍去搵的士。返到酒店，稍作休息，再度出發。去賭場…

有兩個爛賭婆，係金沙度糾纏左三個幾鐘，最後嬴得幾百蚊…企到我地腳到軟。

第二日（30號）因為之前一晚企得太耐，累得到死，訓到十一點半先起身。浪費左一個早上。嗚~~ 中午checkout後，去左八佰伴地下果間Angela's Cafe食lunch。之後去禮記食雪糕。再應兩個爛賭婆要求，去左威尼斯人影相。

威尼斯人，交通真係幾煩。去，要甩一段路先可以入到酒店。走，相信要排一個鐘先有車走。入到去，的確係幾靚，d 裝修真係不得了。淨係天花果d 畫，都玩左我地成個鐘。跟住去商場同埋果幾條"渠"。個人覺得個商場又唔係好大。行左兩個區，來來去去都係果個景，好悶。隻船仔原來係電船仔，有d 覺得搵笨。最後因為唔想企係度等成個鐘的士，所以選擇左行去官也街。

原來唔係好遠，行四五個字就到。收左太陽，有d 風，幾舒服。仲快過等車。呵~~

買埋手信，食埋飯就坐車去碼頭上船返歸，結朿今年澳門煙花之旅。

美國隊煙花︰http://gallery.chuenhk.com/v/travel/macaufireworks07_us/
日本隊煙花︰ http://gallery.chuenhk.com/v/travel/macaufireworks07_jp/
澳門之旅07︰http://gallery.chuenhk.com/v/travel/macau0709/

賣相

上次咪話好慶幸有間澳門雜誌公司會考慮搵我d 相做封面
早果輪，佢地覆我，話已經用左一張做封面... 個背景~~
好開心，原來我個gallery係有人睇架... 哇哈哈哈~~

果本雜誌叫「新生代」，係一本澳門年輕人雜誌，季刊黎架，要成$20一本。
個內容好正面，類似香港突破果d 組織。

佢地咁岩今期講澳門博彩業，所以先會搵到我d 相去做封面
果時佢話搵左幾張原本我都覺得好正的相去做封面，可惜佢地總編話太著重某幾間賭場，所以不錄用。
我以為今次都係泡湯了，差不多唔記得件事。
早幾日，同我講話已經印好左書，用左張去做背景喎。好突然... 仲約話書展時過黎俾番d 相錢我。

尋日去書展，收到個無來電電話，先記得約左佢，我d 記性都係好差 一.一||| （哈哈哈~）
傾左一陣，收到錢同本製成品，之後就繼續各走各路lu~

雖然唔係好多錢，但都好開心架！呵呵呵~~~
最後咪係銅鑼灣度食晒佢... 嘿嘿嘿~~~

相片

今早突然收到一個msg
一個澳門某雜誌的設計者
話睇中我相簿中一d 澳門賭場的相
想拎黎做cover

我覺得好搞笑，竟然會有人想要我d 相
我又驚又喜~ 哈哈~~

不過成唔成事都未知
要等佢的總編睇過先決定到

ps: 本雜誌淨係得澳門有得買 :(
真係成事，要請佢寄一本俾我留念 :p

番禺百萬葵園之旅

昨日去完番禺百萬葵園
係場內看盡祖國人民的醜態
隨便可以摘下成技葵花，食葵花子
不停地屈折櫻花影相同留念，不停搖動櫻花製造落花瓣效果影相
在草叢中大便，仲要係我地十幾人睇住都可以繼續
總之個場配套差，洗手間缺乏，男廁當女廁，無管理人員，
場地又大，但沒有地圖派發，沒有足夠指示牌
真係好差好差~ 仲衰過濕地公園。入到去好似去左年宵市場。
無mood加天氣唔好，所以影得好少。
等有心情先再執相啦~~

全日最正係車程
一行十三人，因識人所以包了一架20座小巴
全日來回車程大約四小時
全程七條友係度孖寶賽車，好鬼正
癲晒~ 哈哈~~~

濕地公園一日遊

昨日（十月二十二日）去濕地公園一日遊

十點幾去到，停車場已滿晒。睇怕下次去，要九點去泊車先得

未入場，已經有d 想走的感覺！因為好多人！好似去年宵咁…

沿路都係「遮海」。仲有，d 人真係好無公德！

寫明唔好叫囂唔好大聲講野，仍然仲係度大大聲講野！細o既已經衰，大o既一樣咁衰格！真係好乞人憎！

可能仲算「新」，環境仍然比較乾淨。觀鳥屋同米埔比較真係好乾淨。

好開心，可以見到好多唔同種類的雀鳥。仲有翠鳥！可惜太細隻，影唔到！>_<

論雀鳥，都係米埔多好多

論環境，就濕地公園比較乾淨

如果有得選擇，我都係比較喜歡米埔！可能因為唔係咁容易就去得，無咁多人啦！

紅外線濾鏡(IR Filter)

好好玩呢！可以影到d 風景好似雪地咁。
將綠色變成白色。好得意！ :)

我做係先對綠色的object pre-set個whiteblance，再去影。
但個暴光時間要好長，係好好陽光之下，f/5.6都要30秒。
一無左陽光，30秒都黑晒！
如果要收光圈到f/8，可能要成分幾鐘先得
但係又要承受noise的影響。 :(

未有時間試真，影左幾張。
http://gallery.chuenhk.com/v/ircorner/

減產？停產？

最近d 出相量真係每況愈下
每次都影唔夠100張，出相得十零張，真係撞鬼！ :(

都唔知搞乜鬼，次次影親，都唔知影乜好！？
諗唔到點影！真係好似Andy話齋，「腦便秘」

咁點算呢？莫非又要停產一輪？唉…

好悶呀！我都唔想日日坐係屋企打機！我想去影相呀！

天氣回復「正常」

唉... 五一之後... 大陸開番工...
香港天氣又回復「正常」
即時灰晒... 矇查查...

前日三門仔d 相執左了
可以去呢度睇︰
日景︰http://gallery.chuenhk.com/v/landscape/sammumtsai/
日落︰http://gallery.chuenhk.com/v/sunset/sammumtsai/

真係好好天呢!!

估唔到大陸五一停工一個星期
香港得益的不單止自由人訪港
仲有天氣
呢幾日天氣真係好多年都未試過
尋日(5月9日), 忍唔住都要「射波」
lunch時更新忍唔到, 出去影左一陣相, 好正!!
放工時就落左去三門仔影日落
仲見到奇景
日落的天空, 出現一團彩色的雲彩!! 真係好靚!!
可惜我無帶長鏡, 影唔到... 嗚~~~~

淨係執左三張全景相, 其他果d 未執...
http://gallery.chuenhk.com/v/sunset/sammumtsai/pano_600.jpg.html
http://gallery.chuenhk.com/v/sunset/sammumtsai/pano2_600.jpg.html
http://gallery.chuenhk.com/v/sunset/sammumtsai/pano3_600.jpg.html

唔知今日又有冇著落呢?? hehehe

5月7日 機場日

難得天朗氣清，一行數人入去機場跑道尾影相
個天真係靚到d 可怕!!
好正好正!! 好難得!! 香港仲有咁好的天氣!!

今次d 相去我gallery慢慢欣賞︰

日景︰
http://gallery.chuenhk.com/v/landscape/airportend/

日落、晚霞︰
http://gallery.chuenhk.com/v/sunset/airportend/

送別D70

終於將陪伴我作戰年半的D70賣了...
盧技師，你要好好對待佢呀！記住要用佢影多d靚相啊！

其實好開心架，因為又多一個人玩影相 :)
影相真係好好玩架... 嘻~~

攝影日誌

昨天（4月5日），清明節，假期一天
天氣晴朗，選擇去西貢萬宜水庫東壩
一路已久聞果度景色宜人，沿路入去
由於天氣甚佳，所以景色真係好正！

可惜到最後天空慢慢開始多雲，
影唔到星星，有d 失望！但真係好靚好靚！

今次的作品︰
http://gallery.chuenhk.com/v/landscape/highisland/

講番上次人像拍攝
終於都執好晒d 相喇！但產量比之前少…
今次得16張… :(
可能要求高左卦，定係影得差左呢？ :(

今次最鍾意的係︰
http://gallery.chuenhk.com/v/portraits/fanfan/DSC_0468.jpg.html
http://gallery.chuenhk.com/v/portraits/fanfan/DSC_0515.jpg.html

其他的作品︰
http://gallery.chuenhk.com/v/portraits/fanfan/

4月2日人像拍攝日

今次選址塔門

麻豆係煩人愛麗斯(Alice)



天氣麻麻，多雲，間中有微微細雨

依舊的拍攝氣氛都係好好玩



可惜的係我原本諗好的，

跟我拍出來的效果不同，或者係拍唔到我想拍的

好唔開心



返到屋企執相仲慘

唔知為乜，今次出相的速度超慢



一張相要揀好耐先諗到

諗到之後又搞一大輪先出到

搞左成晚，暫時得五張相！慘…



今次搵人賴下先，最衰都係andyfood啦！

咁早出相，又影得咁鬼正！影響晒我tune相的mood！

衰人！



PS: 執好晒先再分享！

難得天朗氣清（3月28日）

一放工就走去影相



先去左青馬訪客中心

之前都上過青欣山同係柏麗灣度影過

但尋日真係好好天，清到可以睇到汲水門大橋

好鬼正！又有星！



http://gallery.chuenhk.com/v/hknight/tsingma/



亦因為天朗氣清，又鬼咁多星

跟住去左九龍灣度食飯之後就上飛鵝山

哇~~ 都未試過可以好清楚咁望過對面海

個天仲好多星呀~~



http://gallery.chuenhk.com/v/hknight/nightview/



可惜光害太多，四圍都比較光

嗚~~~



好彩第日要返工咋

如果唔係又再多一次馬拉松影相日 @_@

馬拉松攝影日

未試過如此多fun…哈…

由3月18日下午2時影相影到3月19日早上8時！勁~~~



18/3 1400

青衣公園

影木棉

最後變左影雀... 影到六點先收工

http://gallery.chuenhk.com/v/nature/tsingyipark/



18/3 2100

旺角

拍攝旺角黑夜

走上停車場影，又走番落去馬路影

行左咁多年旺角，都未試過係旺角影相

http://gallery.chuenhk.com/v/hknight/mongkok/



19/3 0200

西貢北潭涌

影星星

馬不停蹄，返屋企沖完涼坐一陣

繼續出發！第一次影星軌，好得意！ :)

雖然得影得一張，但都好開心

http://gallery.chuenhk.com/d/9030-2/_DSC0211.jpg



19/3 0600

西頁碼頭

影日出??

最後日出影唔到，又變左打雀，今次主角係白露

D200個連拍真係好爽，呵呵呵！好快啊~~

** 影得太差，delete晒了 **



19/3 0900

返到屋企

散晒~~~~~



19/3 1900

訓左十個鐘，終於醒lu... 好正!!

苦等多時的D200

等左成咁多日，剛剛終於都收到電話喇！
真係好開心！:)


今次我唔會再俾佢咁得閒，我會用佢係咁影！哈哈哈~~~

今晚一定開心到訓唔著~ 呵呵呵

06 花展

第三年去... 都係唔知影d 乜...

無乜心情去影 :(

愈來愈唔識影相，愈影愈差... 唉...



我d 垃圾相可以係呢度搵到︰

http://gallery.chuenhk.com/v/nature/flower06



仲有，原來世界真係好細。

竟然俾我撞番好耐無見的人。嘿...

祇係見到佢一次，之後又無左見到佢lu！可能我地真係無緣！

終於都失守了..

抵受唔住魔鬼的呼喚..
屈服了

仲將三向變成波波

真係.. 財散人安樂囉...