Paramount Pictures 100 years 派拉蒙影視創立 100 週年海報

今年正是美國知名的派拉蒙影視公司 Paramount Pictures Corporation 創立 100 週年。

日前派拉蒙正式推出了一張 100 週年紀念海報，將一百部經典電影，以電影中的片段、標誌、人物、物件等，繪成小圖案陣列出來。

未知各影迷，又認得出幾多個呢？

驚天奪寶︰世紀秘冊

星期六去睇完「驚天奪寶︰世紀秘冊」National Treasure: Book of Secrets
不錯不錯

開頭由於對美國歷史唔太熟識
所以要少少時間思考番...
到左中後段就唔駛用腦
得動作場面

但都係唔及上集咁好睇
起碼佢諗出黎果d hints 地點無上集咁出人意表...
最後又留番d 伏線，第三集...
究竟，第47頁係乜呢...

總括黎講，呢套戲不妨一看。

Golden Compress 魔幻羅盤

岩岩睇完。唔錯，幾正。果然同魔戒一樣。比較多對白，要留心。全場最正係北極熊大戰，好正。

唔知今次會有幾多集，呵～

值得一睇。

變型、蟲蟲

星期六的節目，選擇左MegaBox睇早場。

第一次去MegaBox，路程總算順利，好易搵。十一點幾已經要泊到上15樓，頂！轉到頭都暈埋！(@_@)
泊好車，拿拿臨就去搵戲院入場。
今次睇「變型金剛」。正！呵~~
生於七八十年代的，應該都有睇過呢套卡通。柯拍文、大黃蜂、麥加登、星星叫、音波、爵士等…耳熟能詳的名字。
隔左咁多年，終於都由番老外拍成電影版。

故事唔錯，笑料亦都唔少。唯一唔好，就係d 機械人同以前卡通果時好大分別，電腦版無美感。
麥加登由一把手槍，變成一加戰機。一_一||||
當然呢d 動作卡，又係由頭打到尾咁制。劇情交代位置因為加入一d 笑料，所以都無乜悶場。
最後，又係留下伏線拍第二集啦…
遲d 出DVD/HD-DVD都會買番黎睇多次。

睇完戲，係MegaBox行一陣，真係好大，行得兩三層。行左間Spotlight，簡直好似將深水埗搬左入去咁。
有窗簾布，手工勞作、開party用品，穿珠仔，床上用品。大到暈。但相信係香港生存得唔耐。
之後去搵下野食。去左一間叫目黑的壽司店食。
食完都差唔多四點幾，之後就走人，向下一站出發。

下一站，就係將軍澳東港城，睇果個「奇異爬蟲展覽」
開頭以為有得影相，帶晒野去，點知原來無得影。好失望。
行到最後，得一隻紅火蜥可以影，唯有捐十蚊雞去影番一輪。
睇完都六點幾，加上東港城真係無乜野好行，指示又唔清楚，搵左好耐先搵得番條路去停車場。

之後就返去沙田join屋企人食晚飯就返歸lu~

死硬4.0

正~ 由頭打到尾~
導演（連韋斯曼(Len Wiseman)）果然有d 料到

Diehard真係愈拍愈癲
上次就炸地鐵，爆格，炸地下水道
今次就炸白宮，又炒直昇機，又玩戰機，又爆天橋

情節同第三集有d 相似
反派假份政府人員（警察vs社會褔利局），利用政府車輛（垃圾車vs危險處埋車及戰機）去犯罪/達成目的，破壞城市（炸地鐵，水渠vs炸能源廠，天橋）
但無左第三集果種出乎意料的劇情

最近好多舊戲都繼續開拍續集
黎緊仲有奪寶奇兵系列~ 仲要用番舊班底。正！

世貿中心

睇左「世貿中心」
真係好正！
可能係我最愛的百老匯戲院
係塌樓果一幕，真係好似置身其中咁
個故事好感人。
好明顯，今次係拍故事，唔係拍特技

真係一套好片！值得去睇！

電影︰死神再3來了

星期六去左睇「死神再3來了」

不經不覺已經拍到第三集
回想第一集果時，真係超正！
低成本制作，無名星，但得出的結果好好！
第二集，繼續玩失驚無神的死法！
感覺仍然新鮮

到而家第三集
依然係果d 玩法，但故事同前兩集完全無關，
祇係中途稍為提及前兩集的劇情。

今集的開始，係大家都好鍾意玩的「過山車」
可能要就番過山車速度，太快，有d 死法位睇唔清楚
講真，之後「死神」索命，其實我覺得係佢地攞黎衰

第一個死的，已經叫左唔好帶野飲，都仲要帶入去引起果一連串事件…
第二個死的，就真係諗唔到點解會拉埋主角落水呢
第三個死的，點可能咁用力用果d 設施架？咁死法都幾抵死架
第四個死的，都係一樣啦，又係由粗心大意引發
第五個死的，一個刻意的錯失，就做成...
最後主角，有冇死？點死？我諗留番你地入場睇啦！

呢個系列，我諗拍埋第三集之後都應該無得再繼續卦…
但真係值得去睇！

龍咁威2

果日睇完龍咁威2的VCD，記得呢段，好爆笑！

「聽講最近有班仆街哩埋響曲街推人出街﹐

點解班仆街鐘意哩响曲街推人出街呢﹖

曲街又點解會聚集埋咁多推人出街o既仆街呢﹖

究竟係曲街本身多仆街呀？

定係仆街多數都哩响曲街度呢﹖

如果各位有咩知料可以提供o既話請盡快聯絡我o地哩一班仆街......」