小米行動電源

近期最熱話的小米行動電源，主要原因係價錢平，電量大。

不論是否真的如官方所講，使用 LG / 三星進口電芯，電量真係有10400mAh。

用HK$89可以買到10400mAh行動電源，有邊個會唔心動？

今次多得朋友幫忙，小弟外遊期間，成功幫忙購得。來一個簡單的開箱吧。

簡約的包裝

類似蘋果的透明外殻

打開包裝，小米行動電源，約 8.5" 長的Micro USB線，使用說明書

底部，印有10400mAh同規格資料

頂部，開關，指示燈，輸入輸出插口

新拆盒時大約有兩格電。

如果要充滿電，用2A火牛，大約要5-6小時。

重量比我另一舊 Momax iPowerPro 8000mAh 要重少少。

優點：平

缺點：重、得一個輸出

官方的規格資料
產品型號 NDY-02-AD
電池類型 全進口鋰離子電池
輸入電壓 DC 5V
輸出電壓 DC 5.1V
輸入電流 2.0A(TYP)
輸出電流 2.1A(TYP)
額定容量 3.6V/10400mAh(TYP)
充電時間 约 5.5 小時 @5V/2A 標配 cable
產品尺寸 90.5*77*21.6mm
重量 250g

網頁 http://www.xiaomi.hk/dianyuan

Paramount Pictures 100 years 派拉蒙影視創立 100 週年海報

今年正是美國知名的派拉蒙影視公司 Paramount Pictures Corporation 創立 100 週年。

日前派拉蒙正式推出了一張 100 週年紀念海報，將一百部經典電影，以電影中的片段、標誌、人物、物件等，繪成小圖案陣列出來。

未知各影迷，又認得出幾多個呢？

Google+ for Android & iOS

最近 Google+ 終於都更新了 Android client，功能上追回較早前的 iOS 版本，與及加入其他 iOS 沒有的功能。

主要 Android 版可以隨時進行 Hangout，跟朋友進行視像對話。

個人對今次的更新很喜歡，圖片 loading 係 3G 環境下可以接受。

兩個版本的分別︰

1. Android 仍然保能左右 swap 轉換唔同 circles 內容；iOS 改為 dropdown list
2. Android refresh button；iOS 可以下拉 refresh
3. 圖片內容顯示，iOS 比 Android 大
4. 每個 post 的 user title background，Android 係灰黑色，而 iOS 係 profile pic 放大而成

希望自此以後，更多人會用 Google+ 吧！

Android version:


iOS version:

我的媽媽

好多時都會聽到有人話我媽：

「你好厲害啊，一個人可以‧‧‧」
「你咁大年紀，仲可以‧‧‧，服咗你喇」
「你休息下啦，唔好成咁辛苦啦」
 

其實何解她要這麼勞碌？不能停下來休息？當然因為我不才，賺不到錢令她不能停下來好好休息，又或者跟她自少的經歷有關。

我媽出生在一個很普通的家庭，一家五口，是大家姐，一個妹，一個細佬。生活水平不太好。我媽小學時外公就離世，大約初小時（小學一、二年級左右） 就已經要輟學外出打工賺錢養家。由於初小已輟學，學識不多，所以祇有靠車衣，穿膠花等勞動工作糊口。住的是閣樓中的板間房。舅父會負責在家中煮飯。（但亞姨的工作，我從來都未有聽聞過。）

到我出世時，我還記得住的是塘尾道天台屋，夏天熱到嘔。上幼稚園班時，是要到沙田。可能當時已申請了公共房屋，所以便要每天山長水遠地由九龍到沙田上學。

我媽為了賺點錢幫補家計，不時接一些手作工作。 每次都要入滿好幾過大紅白藍袋。後來因工廠業務都搬到內地，就再沒有這類型的工作了。接著就幫朋友揍小朋友。我還記得應該分別照顧了大約最少三個小朋友，由剛出世幾個月開始揍到大約三四歲左右。沒有再揍小朋友後，又轉為替辦公室做清潔工作。

近年，不幸地一次意外跌傷了腳掌，行動不便，再加上侄仔出世，便退休，全職照顧侄仔。
經過長年累月的不停工作的訓練，變得銅皮鐵骨。曾經試過停下來就會生病，真的好奇怪！
最近真的生病了，現在正接受治療中。

我點解會寫呢篇blog？因為現正在醫院等待她進行手術中，隔幾天又母親節，突然就有呢個想法，想寫下自己的記憶。

韓國之旅完結感想

5/4-10/4 去完首爾和釜山，主要自的係去賞櫻花。

去到韓國感覺都幾特別，街道同四週環境都幾落後，或者應該係不及想像中般先進。感覺就好似台灣、大陸咁，亦有可能我住的地方唔係商業/旅遊重地。當去到明洞、東大門、首爾站附近，情況會好一點。

• 街上韓國人沒有禮貌。地鐵、街上，不時會有人從後推撞你讓路。
• 韓國駕駛者比較有禮貌。坐巴士或者係街上時留意到司機們的駕駛態度都比較好，胡亂切線、塞車響號的情況都好少見。
• 地鐵好暖，可能因為外面天氣比較冷（平均十二三度左右），所以一進入車廂就會有一種溫暖的感覺，座椅都有暖氣。但耐了，就會覺得好熱，可能空氣不流通原因，因為記憶中，開車時沒有風。
• 地鐵中，韓國人好禮讓。一入車廂唔係第一時去衝去搵位坐，我見過有空位，都會選擇企幾個位都唔坐下。好奇怪！令到我們都不好意思去坐。
• 韓國情侶愛穿情侶裝。不論T-shirt還是外衣，都會有情侶裝。
• 無線上網「好方便」。基本上，地鐵、KTX、甚至巴士，都會有WiFi AP，但要有account先可以用到（KTX 則免費）。
• 酒店房間有電腦？我們入住的 Hotel ACACIA，就有一部電腦供應，還能夠接駁到大電視使用。
• 東大門hello apm、good morning city，所賣的都是女人街貨？一連數個商場，外觀好高級，但一入內，你就會發現自己去了旺角中心或葵涌廣場一樣。全部貨品沒有價錢，每間店舖賣的都是一樣。大家心裡有數吧！
• 韓國人四圍吐痰，咳又唔掩口。如果你有病而咳，係唔會被人歧視。

相隔太耐無寫，唔記得有乜要寫…

敬茶時的意頭說話

今天係網絡上找到的。留下來保存 及分享

斟茶及飲茶時 斟茶比姨媽，出年幫手抱穌蝦。
斟茶比姨丈，買六合彩中頭獎。
茶到口，財到手，今晚麻雀好摸(音:More)手。
茶到口，財到手，財神走到大門口。
茶到口，財到手，半山買多幾層樓。
茶到口，財到手，出年又飲滿月酒。
茶到口，越來越正斗。
飲深D，賺多D，中完孖寶中三Ｔ。
飲深D，等你買多幾個ＬＶ。
飲深Ｄ，生多Ｄ。
飲過新娘／新郎茶，靚過阿嬌阿ＳＡ。
一杯飲到尾，修身又健美。 

戴金時
戴起大囍，年年有喜，新郎哥養得起。
戴起大囍，戴到上手臂。　 
戴起大囍，好快有新己。 　
戴過金手鍊，有錢又有面。
戴過金戒指，生個金童子。
戴過金頸鍊，個個都比面。
戴過鑽石戒指，出入渣波子。
戒指有鑽石，特別多人錫。
金扼帶上，三年抱兩。
金扼夾到手，ＢＢ好快有。

〈敬茶時〉
飲過新抱茶，富貴又榮華。
飲過新娘茶，靚過林青霞。
飲過新郎茶，型仔過劉德華。 飲過新人茶，唔怕檬查查(for 老人家)。
飲過新人茶，發到笑ka ka。
飲過新人茶，發到笑哈哈。
飲過新人茶，開心到笑ka ka。
飲過新人茶，馬仔聽你話。
飲過新人茶，麻雀聽晒話。
飲過新人茶，子孫聽晒話。
飲過新抱茶，出年做嫲嫲。 
飲過新抱茶，生個孫仔四圍爬。
今年娶新抱，出年有孫抱。 
一杯飲到尾，青春又健美。
飲過女婿茶，富貴又榮華。
飲過新抱茶，好快做嫲嫲。
飲茶笑呵呵，好快做婆婆。
飲茶笑騎騎，好快做爺爺。
飲茶飲到尾，年頭靚到落年尾。

〈飲茶時〉
茶到口，財到手。
茶到口，財到手，買田又買樓。
茶到口，財到手，買車又買樓。
茶到口，財到手，富貴榮華一齊有。
茶到口，甜到漏。
飲深D，賺多D。
飲深D，中三T。
香茶到口，添福又添壽。
甜茶飲到尾，青春又健美！
甜茶到口， 兒孫快有！
三杯到口，明年飲姜酒。
飲茶到口，橫財就手。
飲茶到口，得心又應手。

〈戴飾物時〉
戴起金器，大喜大喜。
戴起大囍，新娘好快有囍。
戴起大囍，戴到風生水起。
戴起大囍，戴到兒孫滿地。
戴起大囍，戴到金銀遍地。
戴起大囍，保你家肥屋潤笑嘻嘻。
戴金戴喜，風山水起。
戴過金介子，好快生對金童子。
金摙帶上頸，明年住山頂。
金扼夾到手，好快買車又買樓，美金都到手。
金介戴上，三年抱兩。
戴個大金牌，一世唔洗捱。

Samsung Galaxy S II 取得 Root 權限

自從購入 Samsung Galaxy S II 之後，一路都心癢癢地想把它 root 掉。
今日終於都把心一橫，root 了它！

用 ODIN (from XDA) 安裝 CF-Root (當中包含了 Root, Superuser 2.3.6.1, Busybox v1.16.2androidminimal, Integrated CWM 4.0.0.2 [類似 RomManager])

先從 XDA 中下載對應的 CF-Root v4.1，之後解壓成 tar 檔。
按照 Kernel version 去下載對應的版本，我的是 I9100ZSKG2，所以我要下載 CF-Root-SGS2_ZS_OZS_KG2-v4.1-CWM4.zip

開啟 Odin 後，在 PDA  中選回剛下載的 CF-root 檔案 (要解壓成 tar )

手機進入 Download mode (關機狀態下，音量下 + Home + Power。之後會出現警告寫句，再按 音量上)，再連接手機到電腦。

確保 Re-partition 沒有被選，之後按 Start

 等手機自動 reboot 後，在 launcher 中見到 CWM, Superuser 便大功告成！

離線版 Gmail, Calendar 及 Docs

Google 終於為 Chrome 用戶推出 離線版的 GMail, Calenda 及 Docs 服務。去年 Google 已停止支援使用 Gears 作為離線 GMail，取而代之就是今天公佈的，使用 HTML5 技術作為離線作業平台。

如要享用此離線版服務，要到 Chrome Web store 安裝有關的 web app。

安裝後，在 Chrome 的新頁面中就會多了一個 Offline Google Mail 的圖示。從此就可以在沒有連線的情況下使用 Google Mail 了。

至於 Calendar 及 Docs 到目前仍然未有離線版本，但 Google 表示，將於稍後數星期內推出。方法將會時登入了 Calendar 及 Docs 後，點選右上角的齒輪後，就會出現相關的選項。