差d 中招

今朝返工，吐露港公路往大埔方向
臨近科學園個彎位前，有一條由中大落馬料水的天橋
果段路行緊80，準備轉100
我當時行緊大約100左右
臨去到天橋時，一望上橋，點解有兩條茂利坐左係度？
咦？著藍衫？咦？原來係差佬！？
即刻望下鏡再收油，望下鏡，死喇！90！大鑊！
當時個「65」無叫到！個心已經好驚喇
但又唔見有馬係路邊丫，心諗可能果兩條茂利係度吞pop啦~
轉完個彎，直頭，頂！慢線有兩隻馬係度！？
埋到去時仲著燈開車？！
心諗，呢鑊pk喇！又中招

點解，睇住兩隻馬，啤啤聲咁皮住走~~
追到去駿景園果隻彎位先追到部車....
原來係之前啤住係我隔離果部Accord SIR...

見無馬追我，我心跳先回復正常
真係嚇死我！！