賣相

上次咪話好慶幸有間澳門雜誌公司會考慮搵我d 相做封面
早果輪，佢地覆我，話已經用左一張做封面... 個背景~~
好開心，原來我個gallery係有人睇架... 哇哈哈哈~~

果本雜誌叫「新生代」，係一本澳門年輕人雜誌，季刊黎架，要成$20一本。
個內容好正面，類似香港突破果d 組織。

佢地咁岩今期講澳門博彩業，所以先會搵到我d 相去做封面
果時佢話搵左幾張原本我都覺得好正的相去做封面，可惜佢地總編話太著重某幾間賭場，所以不錄用。
我以為今次都係泡湯了，差不多唔記得件事。
早幾日，同我講話已經印好左書，用左張去做背景喎。好突然... 仲約話書展時過黎俾番d 相錢我。

尋日去書展，收到個無來電電話，先記得約左佢，我d 記性都係好差 一.一||| （哈哈哈~）
傾左一陣，收到錢同本製成品，之後就繼續各走各路lu~

雖然唔係好多錢，但都好開心架！呵呵呵~~~
最後咪係銅鑼灣度食晒佢... 嘿嘿嘿~~~