再來「素馬趕破」

睇左一個星期
感覺... 真係好正... 哈...
而家睇電視的比例，比起以前真係多左
以前會成日轉去now睇戲，而家一轉去now就唔想睇...
用三百幾蚊一個月，睇埋d vcd質素，完左約一定cut...

而家每日都係睇高清台多，睇完高清台，唔想睇番標清台
實在差太遠了...

今日睇完「香港十年」、「世界文化遺產」
正到呢...
原來香港真係咁靚，世界真係咁靚...
「香港十年」係由CCTV拍攝，睇佢內容應該係今年中先拍完。一開始高空拍香港果一段，真係好鬼正。搞到我愈黎愈想坐一次直昇機遊香港一次。
「世界文化遺產」係由日本電視台拍，日本高清技術，已經有三十幾年。拍到個教堂真係金光閃閃，好鬼細緻。

頭先又睇埋「克勤高清演奏廳」
原來... sammi d 皮膚仲差過克勤... 哈...

最可惜係星期六出左街，趕唔切返黎睇「再說長江」
下個星期要睇番先得。嘿~~~